නිසඟ පවඟ මත හිනැහි හිනැහි පිණි
මල් මතින් වඩින දෙව්ලියේ
රත තඹර මල් සුවඳ විහිදා
ඇගෙ නිකිනි සිනහ මල් කිනිති සැලෙනවිට
දැනෙන - දැනෙන හැඟුමන්
රණ තිසරු රුවැති ඇගෙ ලකල් ලමැදෙ මම
සිහින - සිහින වින්දෙම්
සප්ත ස්වරයයි - සුවඳ හමනා
සප්ත ස්වරයයි සුවඳ හමනා
හිත පුරා විසිරි මුතුලතා
ඉහිරුනා රුවැති හද පතා
හීන මුසු වුනු පාට තැවරුනු
දෑස අභියස නැවතිලා
ඇගෙ නිකිනි සිනහ මල් - කිනිති සැලෙන විට
දැනෙන - දැනෙන හැඟුමන්
රණ තිසරු රුවැති ඇගෙ ලකල් ලමැදේ මම
සිහින - සිහින වින්දෙම්
සප්ත ස්වරයයි - සුවඳ හමනා
සප්ත ස්වරයයි ඈ සුවඳ හමනා
මෙපුර සුරඹ නද විදිමි විදිමි ඇගෙ
මුව මතින් වයන රිද්මයේ
නීල අඹරේ තුහින මල් වැල්
තෙමෙනවා මා ආදරෙන්.
ඇගෙ නිතඹ ලෙලෙන පා සළඹ සැලෙනවිට
දැනෙන - දැනෙන හැඟුමන්
මුදු සුමුදු සුවැති ඇගෙ ලකල් ලමැදෙ මම
සිහින - සිහින වින්දෙම්...
සප්ත ස්වරයයි - සුවඳ හමනා
සප්ත ස්වරයයි ඈ සුවඳ හමනා
No comments:
Post a Comment